clean-5

Wisata

ஆன்மிகம்

ஜோதிடம்

Kerajaan

kota

Suku

எமி ஜாக்ஸன் பற்றி வெளிவராத ரகசியம்

‘மதராசப்பட்டினம்’ படம் மூலம் தமிழ் சினிமாவில் அறிமுகமானவர் எமி ஜாக்சன். அதற்கு பிறகு ‘தாண்டவம்‘படத்தில் நடித்தார். இந்த இரண்டு படங்களும் அவரை ஓரளவுக்கு அடையாளம் காட்டினாலும் சமீபத்தில் வெளிவந்த ’ஐ’ படம் அவரை இந்திய அளவில் புகழடைய செய்துள்ளது. இந்நிலையில் தற்போது உதயநிதி ஸ்டாலினுக்கு ஜோடியாக ‘கெத்து’ படத்தில் நடித்து வரும் எமி ஜாக்ஸனை பற்றி யாருக்கும் தெரியாத ஒரு தகவல் வெளிவந்திருக்கிறது. அதாவது எமி ஜாக்சன் என்றால் அழகு, கவர்ச்சி, மாடலிங் என்று மட்டும்தான் தெரியும். ஆனால் எமி மாடலிங் துறையில் இருந்து நடிக்க வந்தவர் என்று கூறப்பட்டாலும், இவர் ஸ்போர்ட்ஸிலும் அதிக ஆர்வமுள்ளவராம். இவருக்கு மிகவும் பிடித்த ஸ்போர்ட்ஸ் ‘கிக் பாக்சிங்’காம். எமி ஜாக்சன் இப்போதும் ‘கிக் பாக்சிங்’பயிற்சி பெற்று வருகிறாராம். இது இதுவரை யாருக்கும் தெரியாத விஷயம்.. அதுமட்டுமல்ல கிக் பாக்சிங் சம்பந்தப்பட்ட ஒரு ஆக்‌ஷன் படத்தில் நடிக்க வேண்டும் என்பதும் எமியோட நீண்ட நாள் ஆசையாம்..

அதிர்ச்சியில் விஜய்! தன் மனைவியின் இப்படியொரு வீடியோவை கண்டதால் கொந்தளிக்கும் விஜய்!! (வீடியோ இணைப்பு)

விக்ரமை ஆச்சரியப்பட வைத்த ஷங்கர்!

இந்திய அளவில் 150 கோடி ரூபாய் பட்ஜெட்டில் முதன்முதலாக தயாரான படம் ஐ. பிரமாண்ட இயக்குனர் ஷங்கர் இயக்கியிருந்த இந்த படத்தில் விக்ரம் - எமிஜாக்சன் நடித்தனர். பொங்கலுக்கு வெளியான அப்படத்தில் தான் பணியாற்றிய அனுபவங்களை இப்போது வெளிப்படையாக பேசி வருகிறார் விக்ரம்.

அதுபற்றி அவர் கூறும்போது, 

ஐ படத்திற்கு முன்பு நான் நடித்த சில படங்கள் தோல்வியடைந்ததோடு, சில படங்கள் படப்பிடிப்பு நடைபெறாமல் பிரச்சினையில் இருந்தது. அப்போதுதான் ஷங்கர் என்னை அழைத்தார்.

அதோடு, 2 மாதங்களுக்கு முன்பே பாடியை ஒர்க் அவுட் பண்ண வேண்டும் என்றும், இனிமேல் இந்த படம் முடியும் வரை வேறு படங்களில் நடிக்கக்கூடாது என்றும் கூறினார். அதனால் தினமும் ஜிம்மிற்கு சென்று பாடி பில்டராக என்னை மாற்றி வந்தேன்.

மேலும், உடம்பை ஏற்றி இறக்க மாதக்கணக்கில் செலவு செய்தேன். அதோடு ஐ படப்பிடிப்பு நடைபெற்றபோது ஒவ்வொரு நாளும் 3 மணி நேரம் மட்டுமே தூங்கினேன். காரணம், சீனாவில் சில அற்புதமான லொகேஷன்களில் படப்பிடிப்பு நடந்தபோது, தினமும் அதிகாலை 3 மணிக்கே எழுந்து உடற்பயிற்சி செய்வேன்.

அதையடுத்து 5 மணிக்கு லொகேஷனுக்கு கிளம்புவோம். ரயிலில் 2 மணி நேரம் சென்று இறங்கி பின்னர், காரில் 2 மணி நேரம் செல்வோம். அதன்பிறகு கால்நடையாக 1 மணி நேரம் நடந்த பிறகே லொகேஷனை அடைவோம்.

அதனால்,போற வழியிலேயே மேக்கப் போட்டுக்கொள்வோம். பின்னர் படப்பிடிப்பு முடிந்த பிறகு கிட்டத்தட்ட இரவு 12 மணிக்குத்தான் தங்கும் ஹோட்டலுக்கு வந்து சேருவோம்.

அப்படி சில மாதங்களாக வெறும் 3 மணி நேரம் மட்டுமே என்னால் தூங்க முடிந்தது. மற்றபடி படப்பிடிப்பில் கேப் கிடைக்கும்போது கால் மணி நேரம், அரை மணி நேரம் என்று கோழித்தூக்கம் தூங்குவேன்.

ஆனால் அப்படி கஷ்டப்பட்டு நடித்ததற்கு இப்போது படம் வெற்றி பெற்று நல்ல பலனை கொடுத்து விட்டது என்று கூறும் விக்ரம், சீனாவில் லொகேஷன் மேனேஜர்களுக்கே தெரியாத அதாவது இதுவரை சினிமாக்காரர்களின் கால்தடம் பதியாத லொகேஷன்களையெல்லாம் கண்டு பிடித்து படமாக்கினார் ஷங்கர். அது எனக்கு மிகப்பெரிய ஆச்சர்யத்தைக் கொடுத்தது என்கிறார் விக்ரம். 


விஜயகாந்துடன் கைகோர்த்த ரஜினி, விஜய்: - புதிய தகவல்....!

தமிழ் சினிமாவிற்கும் தமிழக அரசியலுக்கும் ஏக பொருத்தம். இதை முதலில் துவங்கி வைத்தது அண்ணாத்துரை, கருணாநிதி, எம்.ஜி.ஆர். தான். அதன் பிறகு நி நான் என போட்டி போட்டுக்கொண்டு நடிகர், நடிகைகள் அரசியலில் குதித்தனர். இதில் விஜயகாந்த்தும் அடங்குவார். யார் யாரோ அரசியல்ல குதிக்கிறாங்கோ, ஆனா வரேன்னு சொன்னவர் மட்டும் இன்னும் வரல.

சரிி விசயத்துக்கு போவோம்...

விஜயகாந்த் தன்னோட மூத்த மகன் ஷண்முக பாண்டியன் ஹீரோவா அறிமுகமாகிற சஹாப்தம் படத்தோட ஆடியோ ரிலீஸ் விழாவ ரொம்பவே சிறப்பா நடத்த முடிவெடுத்திருக்காரு. இதுக்கு அவர் தயாரிச்சிருக்கிற அழைப்பாளர் பட்டியல் ரொம்பவே பெரிசுன்னு, கூட இருக்கறவங்க சொல்லிட்டிருக்காங்க,

அதுல முக்கியமான முதல் இடத்துல இருக்கிறவர் ரஜினிகாந்த். ரஜினி தலைமைல விழா நடக்கறது முடிவாகிகிடிச்சின்னும் அவரும் சம்மதம் சொல்லிட்டாருன்னும் உறுதியான தகவல்கள் வந்துள்ளது.

இதுல அடுத்த இடத்துல இருக்குறது விஜய் தான். செந்தூரப்பாண்டி படத்துல விஜயகாந்த்துடன் விஜய் நடித்து போல், தன் மகனையும் மேல கொண்டுபோகணும்னு விஜய்க்கு அழைப்பு விடப்பட்டுள்ளதாம். விஜய் வந்தா படத்தோட வேல்யூ இன்னும் அதிகமாகும்னு கேப்டன் எதிர்ப்பாக்கிறதாகவும் சொல்றாங்க. 

இந்த விழா வெறும் சினிமா விழா தான். ஆனா மும்மூர்த்திகள் இப்படி விழா மேடையில சந்திச்சா... சும்மா இருக்குமா சங்கு... இது அரசியலுக்கான அடிக்கல் நாட்டு விழா என்கிற அளவில் அரசியல் வட்டாரத்தில் தீயை பற்ற வைத்துள்ளனர். அடுத்து என்ன நடக்கும்னு தெரியலையே.... இது மத்தவங்க மைண்ட் வாய்ஸ்.


கதறும் திருநங்கைகள்: கதவை சாத்திக்கொண்ட ஷங்கர் (இது நியாயமா?)

ஐ படத்தில் திருநங்கைகளை கேலிப்பொருளாக சித்தரித்திருக்கிறார் ஷங்கர். ‘உருவு கண்டு எள்ளாமை வேண்டும்’ என்கிற சத்தியத்தை ஷங்கர் படித்திருக்கிறாரோ இல்லையோ? அவருக்கு அருகிலிருந்து அரவணைத்து காப்பாற்றிய எழுத்தாளர் சுஜாதா கூடவா அதை சொல்லிக் கொடுத்திருக்க மாட்டார்? அப்படியிருந்தும் இறைவனின் படைப்பில் பிழைச் சொல்லாகிவிட்ட திருநங்கைகளை கேவலமாக சித்தரித்திருப்பது தவறுதான்.

இந்த விஷயம் தொடர்பாக ஐ வெளிவந்த நாளில் இருந்தே அழுது கொண்டும், புலம்பிக் கொண்டும், தங்கள் ஆற்றாமையை கோபமாக வெளிப்படுத்திக் கொண்டும் இருக்கும் அவர்களுக்காக ஒரு மன்னிப்பு கேட்க தோன்றவில்லையே ஷங்கருக்கு?

எந்த விஷயத்தையும், அது புண்ணாகி புரையோடிப் போகிற அளவுக்கு விட்டு பிடிப்பது தமிழ் சினிமாக்காரனின் சாபக்கேடு. லிங்கா விஷயத்தில் கூட விநியோகஸ்தர் சிங்காரவேலன் குரல் கொடுத்து அது மீடியாவில் வெளியான தினத்தன்றே அவரை அழைத்து பேசியிருந்தால் ரஜினியின் மானம் காப்பாற்றப்பட்டிருக்கும்.

இப்போதும் அப்படியொரு அலட்சிய போக்கில்தான் இருக்கிறார் ஷங்கர். 'தவறுதான்… உடனடியாக அந்த காட்சிகளை நீக்குகிறேன்' என்று ஷங்கர் கூறியிருந்தால் இத்தனை காலம் சமூக அக்கறையோடு அவர் எடுத்த படங்களுக்கும் ஒரு அர்த்தம் கிடைத்திருக்கும்.

‘ஐயய்யோ… இப்படியெல்லாமா நடந்திருச்சு. என் கவனத்திற்கே வரலையே?’ என்று ஒரு வாரம் கழித்தோ இன்னும் பத்து நாள் கழித்தோ அவர் சொல்வாராயின் ஷங்கரின் புகழுக்கும் பெருமைக்கும் இதைவிட பெரிய இழுக்கு வேறொன்று இல்லை.

நேற்று கூட சென்சார் அலுவலகத்தில் குவிந்த திருநங்கைகளில் ஒருவர் மருத்துவப்படிப்பு படித்தவர். இன்னொருவர் பொறியாளர். அவ்வளவு ஏன்? ஐ படத்தில் நடித்திருக்கும் திருநங்கை ஓஜஸ் ராஜானி கூட இந்தியாவின் புகழ்பெற்ற மேக்கப்வுமன்தான். அவரது ஒரு நாள் சம்பளம் ஒரு லட்சம் ரூபாய் என்கிறார்கள். இப்படியெல்லாம் சமூகத்தில் உயர்ந்த அந்தஸ்துக்காக போராடிக் கொண்டிருக்கும் இனம்தான் அது.

ஈகோவை விட்டுவிட்டு அந்த அப்பாவி இனத்திடம் மானசீகமாக ஷங்கர் மன்னிப்பு கேட்கவேண்டும் என பெரும்பாலான திரைப்பிரபலங்கள் கருத்து தெரிவித்துள்ளனர்.


cinema